Kryeparlamentari Veseli ngushëllon familjen Haradinaj

Kryetari i Kuvendit të Republikës së Kosovës, Kadri Veseli, përmes një postimi në profilin e tij, ka ngushëlluar familjen e Kryeministrit Ramush Haradinaj, me rastin e vdekjes së babait të tyre Hilmiut.

Ja postimi i tij

Lajmi për vdekjen e bacës Hilmi më pikëlloi shumë. E njoha në ditët e vështira për Kosovën, atëherë kur së bashku me djemtë e tij e qindra të tjerë nga e gjithë Kosova po krijonim Ushtrinë Çlirimtare të Kosovës. Konaku i bacës Hilmi ishte konak i lirisë së Kosovës. Ngushëllime kryeministrit Haradinaj, familjes, miqve dhe të gjithë atyre që patën rastin ta njohin këtë burrë të nderuar të Dukagjinit dhe mbarë Kosovës.