Kryeministri Thaçi uron të gjithë shqiptarët për Ditën e Alfabetit

Kryeministri në largim i Kosovës, Hashim Thaçi, përmes një postimi në Facebook, ka uruar të gjithë shqiptarët për Ditën e Alfabetit Shqip.

Lexojeni të plotë postimin e Hashim Thaçit në Facebook:

“Gëzuar ditën e Alfabetit dhe përvjetorin e 106-të të Kongresit të Manastirit, njërës prej ngjarjeve më të rëndësishme të historisë sonë. Lavdi rilindasve tanë të cilët në këtë kongres duke u dakorduar për alfabetin latin, morrën vendimin e duhur historik të orientimit të kombit njëherë e përgjithmonë drejt perëndimit. Në frymën dhe traditën e tyre, edhe ne sot duhet të luftojmë ta çojmë vendin përpara nëpërmjet arsimit, sepse sikurse thoshte me shumë të drejtë Naim Frashëri ‘dhe dritë e diturisë përpara do t’na shpjerë’. HTH”, (sic), ka shkruar Thaçi në Facebook, i cili postimit të tij ia ka bashkangjitur faksimilen e vendimit për alfabetin shqip.