Kryeministri Kurti e kryetari Hyseni vizituan punimet edhe në Stacionin e ri të Autobusëve

Pas vendosjes së gurthemelit të çerdhes së re, Kryeministri i Republikës së Kosovës, Albin Kurti, bashkë me Kryetarin e Komunës, Alban Hyseni, vizituan punimet në projekte tjera me bashkëfinancim të Qeverisë, që po zhvillohen në qytet, përfshirë edhe atë në Stacionin e ri të Autobusëve.

Ata panë nga afër edhe punimet që kanë nisur për ndërtimin e Stacionit të ri të Autobusëve në Gjilan, i cili do të ketë një hapësirë të gjithmbarshme prej 2,000 metra katror.

Ky projekt është investim në vlerë prej 1 milion euro dhe është bashkëfinancim i Komunës së Gjilanit dhe Ministrisë së Administrimit të Pushtetit Lokal.  /2LONLINE/