Kryeministri Isa Mustafa po merr pjesë në Konferencën e Munihut për Siguri

Kryeministri i Republikës së Kosovës, Isa Mustafa, po qëndron në Gjermani, ku po merr pjesë në Konferencën e 51-të të Munihut për Siguri, që zhvillon punimet nga 6 deri më 8 shkurt.

Kryeministri Mustafa, gjatë pjesëmarrjes në këtë konferencë të nivelit global, do të zhvillojë takime me liderë dhe përfaqësues të lartë të shteteve të ndryshme.

Konferenca e Munihut për Siguri, është një prej ngjarje vjetore më të mëdha globale për promovimin e zgjidhjes paqësore të konflikteve, bashkëpunimin ndërkombëtar dhe të dialogut në trajtimin e sfidave të sigurisë, ku marrin pjesë liderë të shteteve anekënd botës.