Kryeministri Hoti pret të hiqet regjimi i vizave për qytetarët e Kosovës
Kryeministri i Kosovës, Avdullah Hoti, ka uruar Gjermaninën për marrjen e presidencës së radhës së Bashkimit Evropian, që do ta kryesojë për gjashtë muaj dhe pret që gjatë kësaj kohe të hiqet edhe regjimi i vizave për Kosovën.
“Gjermania po e merr presidencën e radhës së BE-së, në një kohë shumë sfiduese për shëndetin dhe ekonominë e Evropës! I jemi shumë mirënjohës Qeverisë Gjermane për angazhimin e vazhdueshëm për zgjerimin e BE-së, duke i afruar vendet e Ballkanit Perëndimorë dhe presim që gjatë kësaj kohe të hiqet edhe regjimi i vizave për qytetarët e Kosovës! #EU2020DE”, ka shkruar kryeministri Hoti në profilin e tij në facebook.
