Kryeministri Hoti fton të rinjtë të bëhen pjesë e FSK-së

Kryeministri Hoti fton të rinjtë të bëhen pjesë e FSK-së

Kryeministri I Republikës së Kosovës, Avdullah Hoti u ka bërë thirrje të rinjve që të bëhen pjesë e FSK-së.

“Bëhuni pjesë e FSK-së dhe jepni ndihmesën tuaj që ajo të perfeksionohet sipas standardeve të NATO-s. Duke qenë pjesëtarë të FSK-së, ju nesër do të jeni ushtarë të NATO-s”, Ka shkruar, ndër tjerash, Hoti në profilin e tij në facebook.

Ja postimi i plotë”

Të dashur të rinj,

Forca e Sigurisë e Kosovës ka hapur konkurs për rekrutë të rinj. Mbeten edhe pak ditë, deri më 21 gusht 2020, që ju të konkurroni për t’u bërë pjesë e ushtrisë të Republikës së Kosovës, e cila është garanci e së ardhmes sonë të sigurt dhe të përbashkët, pa dallim.

Bëhuni pjesë e FSK-së dhe jepni ndihmesën tuaj që ajo të perfeksionohet sipas standardeve të NATO-s. Duke qenë pjesëtarë të FSK-së, ju nesër do të jeni ushtarë të NATO-s. Konkurroni për t’u bërë pjesë e FSK-së – pjesë e mozaikut të harmonisë, bashkëjetesës dhe prosperitetit të Kosovës.

KOMENTE