Jakup Krasniqi iu ka drejtuar kryeministrit Isa Mustafa që ta harrojë se ky popull edhe pas gjithë këtyre shkeljeve të Kushtetutës, do ta lejojë të vazhdon me qeverisjen dhe përfaqësimin e vendin.
Ai ka kritikuar edhe ekipin negociator të Mustafës, duke thënë se bashkë me kryeministrit nuk duhet të vazhdojnë qeverisjen edhe më tej.
Ja reagimi i plotë i Jakup Krasniqit:
Kryeministri Isa Mustafa dëshiron të vazhdojë më tej, thuajse nuk ka ndodhur asgjë. Edhe pse Gjykata Kushtetuese konstatoi se mbi 80% e marrëveshjes së parimeve nuk është në përputhje me kushtetutën, ai thotë se qeveria nuk do ta anulojë marrëveshjen dhe do të vazhdojë me hartimin e statutit.
Kryeministër, harroje që ky popull edhe pas gjithë këtyre shkeljeve te Kushtetutës, do të të lejojë ty të vazhdosh të qeverisës dhe të përfaqësosh këtë vend. Në veçanti jo në procesin e dialogut me Serbinë.
Me ty, dhe ekipin tënd negociator që nuk ka qenë në gjendje të vërej se marrëveshja që e nënshkruat mbi 80% nuk është në përputhje me Kushtetutën, ju nuk mund të vazhdoni më tej.
Ko sova sigurisht që do të vazhdojë më tej, por pa ty dhe pa ekipin tënd.