Kushtrim KADRIU
(2L ONLINE) – Kryeministër Edi Rama mos u bë servil i Serbisë duke i dhuruar 100.000 euro për ta, e për Lugine 50.000. Qeveria e Shqipërisë ndihmoi Serbinë me 100.000 euro, për ta ndihmuar në përmbytjet e shkaktuara nga të reshurat atmosferike.
Shtrohet pyetja: Serbia, a e ndihmoi Shqipërinë vite me parë kur ndodhën përmbytjet e mëdha në Shkodër? Me sa dimë as në atë krah nuk i ra Serbia.
Është mjaftë shqetësuese se si Qeveria e Shqipërisë pa nevojë po tenton të afrohet me Serbinë, si duket janë duke marrë instruksione nga krushku i koalicionit të majtë në Shqipëri, Boris Tadiq.
Për qytetarët e Kosovës Lindore ky ishte një lajm prekës e indinjues , duke ditur se Qeveria e Shqipërisë për Luginën, gjegjësisht vëllezërit e saj ndau vetëm 50.000 euro, kurse për armikun shekullore që po shtyp Shqiptarët në Kosovë Lindore , e që bëri gjenocid në Kosovë, ndau 100.000 euro.
Qytetaret e Kosovës Lindore ishin të indinjuar thellë me shumën “marramendëse” që u zotua të jap qeveria e shtetit shqiptare prej 50.000 eurove , gjoja për zhvillimin ekonomik të Kosovës Lindore, kurse për një park të Graqanicës pushtetarët e Shqipërisë ndanë rreth 400.000 € .
Si duket qeveritë e Shqipërisë vazhdojnë tentimin për afrim me Serbinë pa ndonjë nevojë, siç patën bere dikur Ahmet Zogu e Enver Hoxha, të cilët u bënë servil të Serbisë. /2L ONLINE/