Kryeimami i Bashkësisë Islame të Kosovës, Vedat ef. Sahiti vizitoi Këshillin e Bashkësisë Islame në Gjilan

Në vigjilje të ardhjes së muajit të bekuar të Ramazanit, Kryeimami i Bashkësisë Islame të Kosovës, Vedat ef. Sahiti, vizitoi Këshillin e Bashkësisë Islame në Gjilan, ku zhvilloi një takim pune me imamët e këtij këshilli.

Gjatë takimit, Kryeimami Sahiti theksoi nevojën për angazhim të plotë dhe përkushtim maksimal të imamëve në xhematet e tyre, duke u bazuar në rëndësinë e jetës fetare dhe rolit të imamëve në shoqëri. Ai vuri në pah punën e vazhdueshme të Zyrës së Kryeimamit, si dhe përgatitjet intensive që po zhvillohen për muajin e shenjtë të Ramazanit.

Në fjalën e tij, Kryeimami theksoi rëndësinë e bashkëpunimit, unitetit dhe koordinimit të vazhdueshëm ndërmjet strukturave të Bashkësisë Islame, duke apeluar për përkushtim të shtuar në shërbim të besimtarëve dhe në realizimin e misionit fetar gjatë këtij muaji të bekuar.

Kryeimami:

Iljaz ef Mustafa