KRU “Hidromorava” SH.A – Gjilan rinovon licencën e shërbimit për gjithë zonën e shërbimit

Autoriteti Rregullator për Shërbimet e Ujit (ARRU) ka ripërtërirë Licencën e Shërbimit të KRU “Hidromorava” Sh.A., për periudhën 11.09.2026 – 10.09.2031.

Ripërtëritja e licencës përbën një proces të rëndësishëm rregullator, përmes të cilit vlerësohet përmbushja e kërkesave ligjore, teknike, financiare dhe menaxheriale të përcaktuara për ofrimin e shërbimeve të ujësjellësit dhe kanalizimit.

Ky proces konfirmon përgjegjësinë institucionale të Kompanisë dhe përkushtimin e saj për respektimin e kuadrit ligjor dhe standardeve rregullatore, si dhe për ofrimin e shërbimeve të sigurta, cilësore dhe të qëndrueshme për konsumatorët.

KRU “Hidromorava” Sh.A. shpreh mirënjohjen e saj për Autoritetin Rregullator për Shërbimet e Ujit (ARRU) për bashkëpunimin dhe komunikimin institucional gjatë procesit të ripërtëritjes së licencës.

KRU “Hidromorava” Sh.A. mbetet e përkushtuar ndaj përmirësimit të vazhdueshëm të shërbimeve, rritjes së performancës dhe përmbushjes me përgjegjësi të misionit të saj në shërbim të konsumatorëve.

KRU “Hidromorava” Sh.A. – ujë i sigurt, shërbim cilësor, përgjegjësi institucionale. /2LONLINE/