Kreu i Vitisë takon nxënësit vitias që do ta përfaqësojnë këtë komunë në garat e nivelit republikan në pingpong

Kryetari Haliti priti në takim nxënësit vitias, që do ta përfaqësojnë Vitinë dhe regjionin e Gjilanit në garat e nivelit republikan në disiplinën e Pingpongut.

Kryetari i komunës së Vitisë, Sokol Haliti, ka pritur sot në takim nxënës të gjimnazit “Kuvendi i Lezhës” në Viti, të udhëhequr nga profesori i tyre Milot Haziri.

Me këtë rast Profesori Haziri, bëri me dije se nxënësit Vitias, do të përfaqësojnë Vitinë në garat e nivelit republikan në Pingpong, që do të mbahen në Ferizaj.

Profesori Haziri falënderoi kryetarin e komunës për mbështetje dhe përkrahjen si dhe të gjithë pedagogët e sportit shkollor në veçanti, nxënësit për përfaqësimin e denjët që i është bërë shkollës, komunës por tani edhe regjionit.

Kryetari Haliti i ka përgëzuar atë dhe nxënësit vitias për sukseset e arritura, duke potencuar se Vitia, gjithmonë është krenuar me sukseset e sportdashësve por edhe të talenteve të rijnë në disiplinat e ndryshme sportive.

Ai iu uroi atyre që të arrijnë në majat e suksesit dhe u zotua se Vitia do të vazhdoj të përkrah sportistët dhe talentet e saj.

Përndryshe, profesori Milot Haziri, ka falënderuar kryetarin Haliti dhe komunën e Vitisë për mbështetjen e vazhdueshme duke potencuar se kjo është një shtytje e fortë që ata të vazhdojnë me plotë përkushtim dhe vullnet.  /2LONLINE/