Kreu i Vitisë priti në takim kryetarin e BIK-ut

Kryetari i Bashkësisë Islame të Kosovës, Prof. Naim Tërnava është pritur sot në takim nga Kryetari i Komunës së Vitisë, Sokol Haliti.

Gjatë këtij takimi ata kanë bashkëbiseduar rreth bashkëpunimit të dy institucioneve me qëllim të promovimit të vlerave të bashkëjetesës dhe tolerancës.

Kryetari Haliti në këtë takim tha se kjo komunë ka një bashkëpunim të mirë me bashkësitë fetare dhe uroj që ky bashkëpunim të vazhdoj edhe me tej pasi që sipas tij ajo është në interes të qytetarëve të komunës së Vitisë.

Haliti në shenjë respekti pati edhe një dhuratë simbolike për z. Tërnava.

Përndryshe në këtë takim ka marrë pjesë edhe Kryetari i Këshilit të Bashkësisë Islame për Viti, Husamedin Hoxha.