Kreu i Kamenicës viziton Koretinin: Hapet rruga, zgjidhet problemi shumëvjeçar

Kryetari i Komunës së Kamenicës, Qëndron Kastrati së bashku me zyrtarin komunal, Alban Hashani kanë vizituar fshatin Koretin, pas zgjidhjes së problemit 50-vjeçar të disa banorëve të këtij fshati.

Kastrati tha se është shumë i lumtur që problemet e akumuluara për disa vite, po i zgjidhim një nga një, duke pasur bashkëpunim të ngushtë me komunitetin.

“ Promblemi i kahmotshëm mbi 50 vjeçar të disa nga banorëve të Koretinit, tashmë është i zgjidhur për kryerjen e obligimeve që kanë, në punimin e tokave në hapësirë prej rreth 300 ha. Një pjesë e rrugës e cila ka qenë pronë private, e kemi shpallur interes të përgjithshëm publik, me miratim të Kuvendit Komunal dhe në dakordim të plotë me familjen Hoda si pronarë të kësaj parcele.

Jam shumë i lumtur që problemet e akumuluara që sa vite, po i zgjidhim një nga një, duke pasur bashkëpunim të ngushtë me komunitetin. Urime banorëve! ”, tha Kastrati. /2LONLINE.com/