Kreu i Kamenicës takon drejtorin ekzekutiv të Asociacionit të Komunave të Kosovës

Kryetari i Komunës së Kamenicës, Qëndron Kastrati pret në takim Drejtorin Ekzekutiv të Asociacionit të Komunave të Kosovës, Sazan Ibrahimi.

Drejtori Ekzekutiv i Asociacionit të Komunave të Kosovës Sazan Ibrahimi,  vizitoi Komunën e Kamenicës, në kuadër të vizitave në Komunat e Kosovës.

Drejtori Ibrahimi u prit në takim nga Kryetari i Komunës Qëndron Kastrati, gjatë të cilit diskutuan rreth legjislacionit që ka të bëjë me funksionimin e pushtetit lokal.

Kryetari Kastrati së bashku me Drejtorin Sazan Ibrahimi ranë dakord të shikojnë mundësitë për të rritur bashkëpunimin edhe më tutje.