Kreu i Gjilanit Alban Hyseni takon deputetin laburist, Alex Sobel

Kryetari i Komunës së Gjilanit, Alban Hyseni ka bërë me dije se gjatë qëndrimit të tij në Londër, pati nderin të vizitojë Parlamentin e Mbretërisë së Bashkuar dhe të pritet nga deputeti i Partisë Laburiste, Alex Sobel, një mik i dëshmuar i Kosovës dhe zë i fuqishëm i saj në arenën ndërkombëtare.

“Biseduam për rëndësinë e thellimit të bashkëpunimit ndërmjet institucioneve tona dhe për mbështetjen e vazhdueshme që Britania e Madhe i jep Kosovës, veçanërisht në fushat e sigurisë, zhvillimit dhe integrimit ndërkombëtar”, ka thënë Hyseni.

I pari i Gjilanit tha se lidhjet historike ndërmjet Kosovës dhe Partisë Laburiste janë të thella dhe të qëndrueshme, dhe ky takim ishte një konfirmim i fortë se kjo miqësi po vazhdon me përkushtim të njëjtë edhe sot.

“Faleminderit deputetit Sobel për mikpritjen dhe për mbështetjen e palëkundur ndaj Kosovës!”, ka thënë kreu i Gjilanit, Alban Hyseni.  /2LONLINE/