Kreu i FFK-së në vizitë te FC Drita

Fazën përgatitore FC Drita është duke e zhvilluar në Antalia të Turqisë, e klubi u vizitua nga kryetari i Federatës së Futbollit të Kosovës, Agim Ademi me bashkëpunëtorët e tij.

Drejtuesit e klubit “bardh e kaltër”,  njoftuan se kryetari Ademi u prit nga drejtori gjeneral, Feti Murseli dhe pjesa tjetër e kryesisë të cilët i dëshiruan mirëseardhje dhe e falënderuan për vizitën, e cila tashmë është bërë tradicionale.

“Për klubin tonë ishte kënaqësi e dyfishtë, sepse së bashku me kryetarin Ademi në vizitë ishte edhe  Armend Misini, kryetar i Lidhjes Rajonale të Gjilanit, i cili na dëshiroi suksese në vazhdim të rrugëtimit tonë. Gjithmonë kënaqësi mbështetja dhe vizitat e tilla nga kreu i FFK-së”, thuhet në njoftimin e FC Drita.  /2LONLINE/