Kremtohet Dita e shkollës “Asllan Thaçi”

/2L ONLINE/ – Në Karaqevë të Poshtme të Kamenicës ëshët shënuar Dita e Shkollës së SH.F.M.U. “Asllan Thaçi”, me këtë rast drejtori i Drejtorisë Komunale të Arsimit (DKA), Agim Shkodra, në emër të kryetarit të komunës z. Begzad Sinani dhe të DKA-së, i ka uruar nxënësit, stafin pedagogjik si dhe drejtorin e shkollës për punën dhe sukseset që po i shënojnë në vazhdimësi.

Shkodra ka theksuar se shkolla mban një emër me domethënie të madhe të dëshmorit Asllan Thaçi, i cili u shndërrua në simbol të arsimit dhe paqes, mbeti një figurë e dashur për shqiptarët edhe pas vdekjes së tij. Kujtimi i tij mbeti gjithnjë i gjallë nëpër këngët, gojëdhënat e tregimet e shumta popullore që i dhanë atij tiparet e një figure patriotike.

“Andaj ne si qeverisje komunale, në mbështetje të përhershme të kryetarit të komunës z. Begzad Sinani, jemi të obliguar të përcjellim amanetin e dëshmorëve të cilët flijuan më të shtrenjtën jetë në mënyrë që sot të gëzojmë mundësinë e një arsimimi të mirëfilltët”, ka thënë drejtori i DKA-së Agim Shkodra. /2L ONLINE/