Krasniqi: Zgjedhjet e jashtëzakonshme, shkelje e vullnetit të sovranit!

Për tejkalimin e ngërçit politik zgjedhjet nga shumëkush po shihen si mundësi e mirë, sado që partitë hezitojnë për një proces zgjedhor. Publicisti dhe anëtari i Këshillit të Ekspertëve të LDK-së Faik Krasniqi thotë se zgjedhjet e jashtëzakonshme do të ishin opsion vetëm nëse asnjë koalicion nuk do t’i kishte numrat për zgjedhjen e kryetarit të Kuvendit dhe krijimin e Qeverisë.

Sipas tij, deri sa kemi koalicionin LVAN me 63 deputetë që mund ta zgjedhin kryetarin e Kuvendit dhe formimin e Qeverisë, s’kemi pse të shkojmë në zgjedhje të jashtëzakonshme. Sepse më 8 qershor u mbajtën zgjedhjet dhe sovrani dha verdiktin e tij.

Mbi 70% votuan kundër PDK-së thekson publicisti Faik Krasniqi.

“Nëse Presidentja Jahjaga vepron në mënyrë të njëanshme dhe për dëshirat e PDK-së dhe organizatës kriminale SHIK, që kanë ngelur me vetëm 35 deputetë, shpall zgjedhje të jashtëzakonshme, do të bënte veprim antidemokratik dhe shkelje e vullnetit të sovranit, por njëkohësisht do të ishte luks i madhë për një shtet të varfër si Kosova”, përfundon publicisti dhe anëtari i Këshillit të Ekspertëve të LDK-së, Faik Krasniqi.