Krasniqi: Presidente, boll më, mandato koalicionin LVAN!

(2L ONLINE) – Presidentja Jahjaga duhet ta dëshmojë para qytetarëve të Kosovës, se është në shërbim të interesave të tyre dhe shtetit të Kosovës, e jo në shërbim të PDK-së dhe Hashim Thaçit. Si e para e vendit, tash i takon asaj ta zgjidh sa më parë këtë bllokadë institucionale, të shkaktuar nga bllokmenët e PDK-së dhe filialit të tyre juridik Gjykata Kushtetuese, thekson publicisti dhe anëtari i Këshillit të ekspertëve të LDK-së, Faik Krasniqi.

“Çfarë duhet të bëj ajo për ta zgjidhur këtë bllokadë politike? Ta thërras koalicionin e shumicës LVAN që ka shumicën parlamentare me 63 deputetë, ta mandatoj dhe Qeveria të krijohet sa më parë. Presidente, ose vepro ti, ose vepron sovrani që ia besoj votën e vetë mbi 70 për qind partive politike, që kanë shumicën për ta zgjedhur edhe kryetarin e Kuvendit, por edhe krijimin e Qeverisë. Mosveprimi yt po na kushton shtrenjtë, si në aspektin financiar dhe politik, por edhe në arenën ndërkombëtare. Deklarata e ambasadores amerikane Tracey Ann Jacobson, është sinjal shumë i qartë edhe për ju zonja Presidente, përfundon publicisti dhe anëtari i Këshillit të ekspertëve të LDK-së, Faik Krasniqi. /2L ONLINE/