E kur ngërçi politik ka filluar të reflektoj në çdo sferë te jetës, vazhdojnë kritikat e jashtëzakonshme në drejtim të Kryetarit të Gjykatës Kushtetuese, Enver Hasani, të cilin e vlerësojnë si më meritorin e këtij procesi negativ në vendin tonë. Vendimi i Gjykatës Kushtetuese përveç që nuk ka reflektuar zgjidhjen e ngërçit politik, ai si duket e ka thelluar edhe më shumë se që është pritur. Madje, kryetari i kësaj gjykate shihet si njeri i PDK-së, vlerësojnë analistë të ndryshëm, partitë opozitare, shoqëria civile dhe një pjesë e medieve.
E për rrjedhojë, Publicisti Faik Krasniqi, ka vlerësuar se në demokracitë parlamentare kryetari i Kuvendit zakonisht zgjedhet nga partitë që e kanë shumicën, duke e përfshirë edhe qeverinë, thekson ai.
“Në demokracitë parlamentare, kryetari i Kuvendit zgjidhet nga partitë që kanë shumicën në Kuvend, poashtu edhe formimi i Qeverisë”, ka theksuar Krasniqi.
Por Krasniqi vazhdon ta analizon edhe vendimin e kësaj gjykate, e cila në vendimin e saj ka precizuar se ekskluzivitetin e zgjedhjes së kryetarit të Kuvendit e ka vetëm PDK-ja, andaj me këtë rast Krasniqi parashtron pyetjen se përse është e nevojshme në Kuvend që të kërkohet zgjedhja e kryetarit me votat e 61 deputetëve.
“Sipas interpretimit të Enver Hasanit dhe PDK-së, ”eksluzivitetin” e zgjedhjes së kryetarit të Kuvendit e ka vetëm PDK-ja. Atëherë shtrohet pyetja: Pse nevojitet votimi në Kuvend dhe kërkohet zgjedhja e kryetarit të Kuvendit me votat e 61 deputetëve?”, thekson Publicisti dhe anëtari i Këshillit të Ekspertëve të LDK-së, Faik Krasniqi.
Dosido mbetët të shihet në ditët në vijim se cilat do të jenë veprimet e PDK-së dhe koalicionit LVAN kundrejt ngërçit politik, i cili ka filluar t’i paralizoj institucionet dhe në përgjithësi zhvillimin e shoqërisë kosovare në të gjitha sferat e saj të mundshme.