Strategu i mirënjohur kosovar, Ramiz Krasniqi, mund të emërohet trajner i ri i Hajvalisë.
Skuadra nga paralagjja e Prishtinës, mbeti pa shef të shtabit teknik, pasi Bekim Isufi, dha dorëheqje pas rezultateve jo të mira në fillim të këtij sezoni.
Prandaj, drejtuesit e këtij klubi janë vënë në sulm për ta gjetur pasardhësin e trajnerit nga Gjilani.
Në opsion janë dy apo tre emra, por më i dëshiruari mbetet ish-trajneri i Prishtinës dhe Ferronikelit, Ramiz Krasniqi.
“Kemi biseduar dhe i kemi bërë të ditura opsionet tona të dy palët, mund edhe të ketë diçka edhe pse topi tashmë është në anën e klubit”, tha në bisedën telefonike për KTV-në selektori i përfaqësueses U-19 të Kosovës.
Ju kujtojmë se në shtatë xhirot e para, Hajvalia ka grumbulluar vetëm pesë pikë, me çka ekipi është me bilancin më të dobët./koha.net/
