Krasniqi mbron koalicionin
Pas krejt asaj që ka ndodhur në qeverisjen e fundit të Hashim Thaçit, pamundësimi i filozofisë despotike, është shpëtim për Kosovën. Shpëtim edhe për anëtarët e PDK-së, që kanë në zemër të mirën e Kosovës.Kështu ka shkruar në FB, Jakup Krasniqi.
Ai ka folur dhe për kritikuesit e Nismës, për koalicionin me LDK-në dhe AAK-në,duke pohuar se mbi bazën e cilës logjikë, ky koalicion është më pak demokratik, se koalicioni që ka bërë PDK-ja me partitë tjera.
“A mundet dikush nga kritikuesit e koalicionit LDK-AAK-NISMA të më tregojë se mbi bazën e cilës logjikë ky koalicion është më pak demokratik se koalicioni që PDK-ja, si parti përparimtare qw e konsideron veten, bëri me Partinë Konservatore të Kosovës, me Partinë e Drejtësisë (parti fetare islamike), Partinë Shqiptare Demokristiane të Kosovës ( parti fetare e krishterë) dhe Lëvizjen për Bashkim?! Pos filozofisë despotike që këmbëngul në logjikën “Shteti jam UNË!” asnjë parim i demokracisë nuk shkelet nga ky koalicion! A mundet dikush nga kritikuesit e NISMËS që bëri koalicion me LDK-në dhe AAK-në, të më tregojë se pse qenka më pak patriotike ky koalicion, kur dihet se PD K-ja dhe katër partitë tjera politike të koalicionit të tyre, nuk mund të formonin qeveri pa bërë koalicion qoftë me LDK-në qoftë me AAK-në, me të cilat dikur ka qenë në koalicion qeveritar?Pos filozofisë despotike që këmbëngul në logjikën “Pas meje gur mbi gur mos të mbet!” asnjë parim i patriotizmit nuk shkelet nga ky koalicion! A ishte parimor koalicioni paraprak me KKR-në?”, ka shkruar Krasniqi në Facebook.