Krasniqi: Lufta e UÇK-së është e pastër

Kryetari i Këshillit Kombëtar të Nismës për Kosovën, Jakup Krasniqi, ka përsëritur se lufta çlirimtare është e pastër.Ai ka thënë se Ushtria Çlirimtare e Kosovës (UÇK) nuk e ka asnjë arsyeje që të pastrohet nga Gjykata Speciale.

Postimi i plotë i Krasniqit në profilin e vet në “Facebook:

“Viteve të fundit jo pak herë është thënë: “Gjykata Speciale do ta pastroj UÇK-në”?! Ushtria Çlirimtare e Kosovës nuk e ka asnjë arsyeje që të pastrohet, ajo është e pastër si loti! Pastërtia e saj është Liria jonë dhe mbështetja Ndërkombëtare me Aleancën Euroatlantike në krye.
Kushdo që me veprimet e tija është ndytë, në cilëndo kohë, le të pastrohet në Lavatriqe!
Pasi nuk dyshoj se:
Faqja më e ndriçme e historisë sonë, është vepër e Ushtrisë Çlirimtare të Kosovës, e strukturave të saja politike dhe ushtarake, është vepër e sakrificës gjithëpopullore që ka aromën e gjakut të dëshmorëve të kombit, të fëmijëve, grave dhe pleqve që u flijuan në shtëpitë e tyre, ne trojet e tyre, që u flijuan për Kosovën e lirë të pavarur dhe demokratike. Do të jetë obligim i përhershëm i këtij brezi dhe i brezave që vijnë për tu përkulur me nder e respekt para dëshmorëve dhe të rënëve për liri në altarin e Atdheut.
Prandaj, Ata që na sollën ketë faqe lirie e pavarësie – meritojnë vetëm nder e Lavdi!
Lavdi të rënëve për liri”!