Krasniqi kërkon nga OBSh-ja mbështetje të mëtutjeshme

Ushtruesi i detyrës së drejtorit të përgjithshëm i Shërbimit Spitalor Klinik dhe Universitar të Kosovës, Valbon Krasniqi, ka pritur në takim pune zyrtarë të Organizatës Botërore të Shëndetësisë.

Gjatë takimit, drejtori Krasniqi, ka informuar zyrtarët e OBSh-së, në lidhje me punën dhe aktivitetet e ShSKUK-së, duke theksuar punën dhe përkushtimin e profesionistëve shëndetësorë për menaxhimin e situtës me Covid-19.

Ai ka falenderuar zyrtarët e OBSh për përkrahjen e vazhdueshme, duke kërkuar mbështetjen e mëtejme.

Gjatë takimit, zyrtarë te OBSh-së u interesuan për situatën aktuale në ShSKUK, duke ofruar edhe më tutje përkrahjen e tyre.