Krasniqi: A po frikësohet vërtetë, ujku Vuciq

Ish-kryetari i Kuvendit të Kosovës, Jakup Krasniqi ka reaguar lidhur me deklaratën e kryeministrit serb, Aleksandër Vuqic, i cili ka thënë se po ndien diçka jo të mirë në Ballkanin Perëndimor.

Lexoni të plotë reagimin e Krasniqit.

“ A po frikësohet vërtetë, ujku Vuciq i shndërruar në ‘qengj’, kur po thotë: ‘Shoh dhe ndiej diçka që shkon jo mirë në Ballkanin Perëndimor. Ne nuk kemi nevojë për protesta, nuk kemi nevojë për destabilitet’.

Nëse kjo është e vërtetë, siç po thotë nxënësi i Milloshit dhe i Sheshelit, i cili ishte argat i angazhuar mirë në së paku tri lufta, nga të cilat, gjer me sot se kemi parë te distancohet a të bënë një kërkim falje formale. Politika që ai udhëheq ndaj Kosovës së lirë e të pavarur, flet shumë. Është shenjë i mirë pasi politikat e gruevskëve nuk do të ‘mbështeten’ as në Maqedoni e as në Serbi. Mbase ai mund të ketë frikë nga Protestat e ndonjë Zaevi serb?!

Gruevski, nuk e ka planifikuar dhe organizuar Kumanovën për të përfunduar ashtu si përfundoi, e ka filluar që të shndërrohet në konflikt nder etnik për të realizuar atë që u dëgjua të thotë Jankollovska në përgjimet e publikuara nga opozita, për ‘zhdukjen e shqiptarëve’, që ajo i quante me një emër tepër përçmues. Ai nuk e ka organizuar Kumanovën për të pësuar disfatë, por për të përjetësuar qeverisjen e tij. Kumanova po i kthehet si bumerang!

Prandaj, e them me bindje se nëse nuk ka plane e projekte të hartuara për zhdukjen e shqiptarëve, te cilat plane kanë ndezur disa luftëra të përcjella me gjenocid, paqja është e siguruar në Ballkan! Por derisa të ketë Gruevska te millosheviqizuar, rreziku do të vazhdoj të jetë permanent.

Nëse në Ballkanin tonë do të ketë Drejtësi e barazi mes kombeve, liria, paqja dhe siguria janë të garantuara!”.