Kova me ujë të akullt bie edhe mbi kokën e Gagicës

(2L ONLINE) – Nazim Gagica, për shumë kë i njohur si këngëtar gjilanas që ia thotë mirë këngës, ka pranuar sfidën për tu lagur me ujë të akullt, duke u bërë kështu pjesë e nismës për të ndihmuar çdo person që vuan nga çrregullimi i njohur si ALS.

Gagica, që përndryshe është drejtori i Drejtorisë Komunale të Administratës së Përgjithshme në komunën e Gjilanit. ka pranuar sfidën e Donard Sanchez e Lulzim Ramës, për tu lagur me ujë të akullt, dhe këtë e ka bërë para Administratës së Përgjithshme.

Gagica me këtë rast ka thënë se do të nominojë për këtë sfidë tre të tjerë për të bërë të njëjtën gjë, e ata janë Rexhep Kadriu, Gëzime Idrizi e Sadudin Berisha.

Ndryshe, ALS është një fushatë që bëhet për të mbledhur fonde për diagnostifikimin e hershëm të sklerozës anësore amiotrofike dhe sfida është një kovë me ujë të ftohtë dhe copa akulli në të. /2L ONLINE/