Kostiq synon të bëhet deputet në dy shtete

​Kryesuesi i Listës ”Srpska”, Vladeta Kostiq, nuk do të mund të përfshihet në garën për ulëse në Kuvendin e Kosovës, nëse paraprakisht nuk jep dorëheqje nga posti i deputetit në Kuvendin e Serbisë.

Burime të gazetës Tribuna kanë konfirmuar se Kostiqit i është dhënë një afat i shkurtë kohor që të përcaktohet, ngase nuk do të mund të jetë njëkohësisht deputet i Serbisë dhe i Kosovës. Në të kundërtën, lista e unifikuar e kandidatëve për deputetë e “Srpskas”, Partisë së Pavarur Liberale dhe Iniciativës SPD, do të shkojë në zgjedhjet e 8 qershorit pa Kostiqin, përkatësisht pa bartësin e listës.

Kjo, sipas këtij burimi, do të nënkuptonte që lista serbe mund të marrë pjesë në zgjedhje, por jo edhe bartësi i saj. Përndryshe, Kostiq ishte një nga ata që mbështetën nismën e Beogradit për unifikimin e subjekteve politike serbe për garën zgjedhore të 8 qershorit…