Kosovës t’i hiqen vizat, me apo pa votimin e demarkacionit

Kosovës t’i hiqen vizat, me apo pa votimin e demarkacionit

Zëvendësministri i Punëve të Jashtme, Valon Murtezaj, ka vlerësuar se Kosova ka bërë progres në rrugën drejt integrimit evropian por, sipas tij, ky proces është i gjatë dhe i komplikuar.

Në një intervistë dhënë për gazetën “Epoka e re”, Murtezaj ka kërkuar nga Bashkimi Evropian ta trajtojë në mënyrë të barabartë Kosovën, sidomos në aspektin e vizave. Ai ka thënë se qytetarëve të Kosovës duhet t’u hiqen vizat pa marrë parasysh a votohet apo jo demarkacioni.

Sipas Murtezajt, kjo është detyrë e BE-së që duhet ta bëjë. Kurse sa i përket procesit të njohjeve, ai ka thënë se janë duke lobuar te pesëshja evropiane, në vendet afrikane dhe në vendet e Amerikës Latine. Murtezaj ka thënë se në këtë drejtim mund të priten lëvizje pozitive.

Sa i përket anëtarësimit të Kosovës në organizata ndërkombëtare, ai ka thënë se prioritet mbeten Interpoli, UNESCO dhe Këshilli i Evropës.

BURIMI: Epoka e Re

KOMENTE