Kosova zyrtarisht pjesë e IAAF

Kosova është pranuar si anëtare e Asociacionit Ndërkombëtar të Federatave të Atletikës (IAAF). Në mbledhjen e Kongresit të këtij Asociacioni në Pekin të Kinës, ishin të pranishme 211 anëtare të kësaj organizate, ndërsa për Kosovën votuan 187, kundër ishin 13 vende, raporton agjencia AFP nga Pekini. Pos Kosovës, në këtë organizatë ndërkombëtare të sportit të atletikës u pranua edhe Sudani Jugor, për të cilin votuan 192 vende, ndërsa 12 ishin kundër.