Kosova vs Ukraina…

Shkruan: Burim Korqa

Kosova nuk duhet të zemërohet me Ukrainën, por as të heshtë për qëndrimin e saj ndaj Kosovës.

Ne e kemi mbështetur Ukrainën sepse besojmë në liri, sovranitet dhe të drejtën e një populli për të jetuar i lirë. Pikërisht për këto parime lufton sot edhe Ukraina.

Prandaj, përgjigjja jonë nuk duhet të jetë zemërimi, por arsyeshmëria përmes veprave dhe një diplomacie të mençur, duhet ta bindim Ukrainën se edhe Kosova është dëshmi e të njëjtit parim për të cilin ajo sot kërkon mbështetjen e botës.

Jo t’i kërkojmë njohje si shpërblim, por t’ia shpjegojmë me fakte se nuk mund të mbrosh njëkohësisht të drejtën e Ukrainës për sovranitet dhe të injorosh realitetin e Kosovës.

Të jesh pro-Ukrainë nuk do të thotë të jesh më pak pro-Kosovë. Përkundrazi, do të thotë ta bindësh Ukrainën se edhe Kosova beson dhe ka luftuar për të njëjtat ideale.  /2LONLINE/