Kosova sot luan kundër Çekisë

Kombëtarja e Kosovës në futboll sot luan miqësoren e saj kundër Çekisë, ndeshje kjo që zhvillohet në “epet ARENA” në Pragë.

Kombëtarja e Kosovës ka zhvilluar tashmë seancën e fundit para këtij takimi dhe “Dardanët”, janë të gatshëm për të sjellë rezultatin e dëshiruar nga kjo sfidë.

Në konferencën për media të mbajtur para stërvitjes, përzgjedhësi i Kosovës, Franco Foda theksoi se, pavarësisht mungesave, Kosova do të futet në këtë ndeshje me synim për të treguar paraqitje të mirë, lojë të guximshme dhe qasje sulmuese.

Ndeshja Çeki-Kosovë fillon në orën 16:00.

Kujtojmë se Kosova më 7 qershor luan miqësoren tjetër me Andorrën, ndeshje kjo që do të luhet në “Fadil Vokrri”, në Prishtinë.

Këto dy ndeshje do t’i shërbejnë përzgjedhësit të Kosovës, Franco Foda si test i rëndësishëm përpara fillimit të edicionit të ri të Ligës së Kombeve, ku Kombëtarja e Kosovës do të garojë në grup me Austrinë, Irlandën dhe Izraelin.  /2LONLINE/