Kosova përfaqësohet denjësisht në Festivalin Ndërkombëtar “Myjava” në Sllovaki

Ansambli “Kemajl Azizi” nga Vitia po përfaqëson Kosovën në edicionin e 65-të të Festivalit Ndërkombëtar “Myjava” në Sllovaki, duke promovuar vlerat e trashëgimisë kulturore shqiptare përmes valleve, këngëve, riteve, dokeve dhe zakoneve.

Ky festival, i organizuar nga Këshilli Ndërkombëtar i Organizatave CIOFF Sllovaki dhe i zhvilluar nën patronatin e UNESCO-s, bashkon ansamble e grupe nga mbarë bota për të shkëmbyer dhe promovuar diversitetin e trashëgimisë kulturore.

Drejtori i Ansamblit “Kemajl Azizi” u shpreh tejet i lumtur dhe mirënjohës për mikpritjen e përzemërt që iu rezervua ansamblit nga organizatorët dhe publiku sllovak, duke theksuar rëndësinë e prezantimit të vlerave kulturore shqiptare në skena prestigjioze ndërkombëtare.

Fotot dhe lajmi: A.K.V ” Kemajl Azizi”- Viti