• INFO+
  • POLITIKË
  • NACIONALE
  • POLICIA
  • OP/ED
  • SPORT
  • ART/KULT
  • SHNETA
  • TJERA+
    • LUGINA
    • GJYKATË/PROKURORI
    • N'RRJET
    • RROTULL
    • MAGAZINA
    • PROMO
    • 2LTV
    • NJOFTIME/SHPALLJE
Opinion

Kosova parajsë e pushtetarëve, ferr i qytetarëve!

Redaksia 2LONLINE 12 Janar, 2019 8 min
 Kosova parajsë e pushtetarëve, ferr i qytetarëve!

Kosova e pas-pavarësisë është shndërruar në një tabelë shahu, ku ndërkombëtarët luajnë lojen më një palë figura të zeza politike (qeveritarët), ndërsa në anën tjetër duke e lënë të pa fuqishëm, në PAT-pozicion popullatën shumicë të Kosovës (shqiptarët) më figura të bardha.

Shkruan: Florim Zeqa

Ndërkombëtarët i kanë shndërruar pothuajse të gjithë liderët vendor në figura politike, të cilët me lehtësi i levizin para-prapa dhe anasjelltas.

Sa herë që ju duhen “rrokadat” i shrytëzojnë zgjedhjet si mekanizëm justifikues para opinionit publik për arritjen e qëllimeve të tyre afatëgjata mbi Kosovë.

Opinioni publik vendor është mësuar të shohë korin diplomatik ndërkombëtar (ambasadat e huaja) në Kuvendin e Republikës së Kosovës sa herë që merren vendime në kundërshtim më vullnetin e qytetarëve si bie fjala; rezoluta për fillimin e bisedimeve më Serbinë, shitjen e KEK-ut, ratifikimin e marrëveshjes së 19 prillit 2013-të (që prodhoj Asociacionin e komunave serbe), votimin e Gjykatës Speciale, votimin e Demarkacionit me Malin e Zi, etj.

Delet e ngujuara, barinjët e uritur

Kosova e sotme, më tepër i gjason një burgu kolektiv se sa një shteti të pavarur, më tepër i gjason një qeverisje lokale se sa një shteti sovran, Kuvendi i gjason një koloseumi, populli një kopeje delesh të ngujuara, ndërsa politikanët u ngjajnë barinjëve të uritur!
Zot shtëpie, dihet, janë bërë ndëkombëtarët, të gjithëpushtetshmit dhe gjithëfuqishmit e kohës sonë!

Timonin e kontrollit të plotë mbi qeveritarët kosovarë e mbajnë ambasadorët e shteteve përendimore në Prishtinë!

Qeveritarët në Kosovën e pasluftës e sidomos të kësaj periudhes së pas-pavarësisë, varfanjakët e djeshëm, supermenët dhe milionerët e sotëm janë shndërruar në “supermen” dhe zbatues të skemave politike të të tjerëve në dëm të interesave të shtetit të Kosovës në veçanti dhe popullit shqiptar në përgjithësi.

Qytetarët nuk është se kanë pritur që 20 vjet pas lufte të hanë me lugën e artë, por kanë pritur që familjet e tyre t’i ushqejnë më djersën e tyre në Kosovë, e jo të bredhin rrugëve e metropoleve të botës në kërkim të ekzistencës për familjet e tyre!

Askush nuk ka pritur që pas gjithë atij gjenocidi, pas gjithë atyre masakrave serbe anë e kënd Kosovës, t’i kemi prapë pas dere ata që na vranë e prenë pamëshirshëm përgjatë një shekulli!

Sikurse nuk e kemi pritur në asnjë rrethanë që udhëheqësi politik i krahut të luftës të negocioj lirinë e fituar më gjak, duke shkelur mbi gjakun e dëshmorëve dhe martirëve, duke shkelur mbi eshtrat e të pagjeturëve, mbi idealet e shënjta, siq janë; liria, pavarësia e vendit dhe ideja kulmore e bashkimin e trojeve etnike.

Si pasojë e keqqeverisjes, mungesës së zhvillimit ekonomik dhe krizave të njëpasnjëshme politike, shteti është duke shkuar drejt falimentimit.

Përveç krizës së thellë politike, në të cilën është katandisur vendi, shtetin e Kosovës e kanë mbërthyer edhe kriza financiare dhe morale njëkohësisht,…të gjitha së bashku janë pasojë e keqqeverisje dhe mungesës së zhvillimit ekonomik për një kohë të gjatë.

Shteti i varfër, politikanët e pasur

Si pasojë e mos zhvillimit ekonomik, në shtetin e varfër të politikanëve të pasur, burimi i vetëm i mbushjes së arkës shtetërore janë të “vjelat” nëpër dogana, gjobat në komunikacion dhe tatimpaguesit e bizneseve të vogla.

E them kështu për faktin e thjeshtë se korporatat e biznesmenëve të mëdhenjë, përveçse e fusin mallin e padoganuar në Kosovë, në të shumtën e rasteve u ikin edhe obligimeve që kanë ndaj shtetit përmes formave të ndryshme të korruptimit të zyrtarëve shtetërorë dhe lidhjeve të fuqishme me bosët e politikës.

Në anën tjetër, gjysma e popullatës kosovare jeton në varfëri (16 % në varfëri të skajshme), familjarët e qeveritarëve, supermenëve të këtij populli të varfër bëjnë jetë luksoze që i kalon nivelet e shteteve të perëndimit duke gëzuar të gjitha privilegjet; shkollim cilësor , shërim, punësim, rekreacion (pushime në vendet më të bukura në botë),…këtë ua mundësojnë pagat mujore prej disa mijëra euro dhe të ardhura enorme nga aferat korruptive!

Si vertetim i kësaj shikojini villat dhe shtëpijat luksoze të disa prej politikanëve të pasluftës,…nga kasollat kanë kaluar në villa luksoze më vlera milionshe, makinat e blinduara e deri të bizneset e tyre (të pista) anë e kënd vendit.

Mirëpo fatkeqësisht ende një pjesë e popullatës nuk është këndellur, dhe prapë vazhdojnë të vrapojnë pas të korruptuarve, banditëve, kriminelëve në kërkim të një lëmoshe të pavlerë që nuk ua ndryshon jetën në asnjë rrethanë!

Përderisa të vazhdoj pasurimi i paligjshëm i supermenëve vendor, për aq do të vazhdoj varfërimi i popullatës dhe zbrazja në heshtje e Kosovës nga shqiptarët.

Ndërkombëtarët, sundimtarët faktik të Kosovës

Për aq sa janë fajtorë pushtetarët vendor, janë fajtor edhe ndëkombëtarët, të gjithëpushtetshmit dhe gjithëfuqishmit e kohës nëpër të cilën po kalojmë,…të cilët përveq fuqisë politike e kanë edhe atë ekonomike dhe ushtarake të instaluar në vendin tonë!

Prandaj, ndërkombëtarët ashtu siq i ndrrojnë figurat e korruptuara dhe inkriminuara në pushtet, me lehtësi do t’i jepnin kahje pozitive zhvillimeve politike në vendin tonë.
Ndërkombëtarët, sunduesit faktik të Kosovës, brenda pak ditësh, për të mos thënë javësh e muajsh e kanë mundësinë e pastrimit të skenës politike nga të korruptuarit dhe inkriminuarit, ndërsa brenda një viti mund ta bëjnë Kosovën vend me përspektivë të qartë zhvillimore.

Prandaj, pas 20 viteve të monitorimit dhe mbisundimit të fuqishëm ndërkombëtar, ka ardhur koha e çartësimit të prezencës ndërkombëate në Kosovë!

Janë këtu për t’na ndihmuar ne në konsolidimin e shtetit apo për ta ndihmuar pakicën serbe në zhbërjen e shtetit tonë!?

Mbajtja dhe mbështetja e “barinjëve” dhe gjysëmanalfabetëve, servilëve dhe hajdutëve në pushtet nga ana e ndërkombëtarëve, i lë të hapura mëdyshjet për qëllimet e tyre të pasinqerta ndaj Kosovës dhe popullit të saj.

Mungesa e dashurisë për shtetin dhe qytetarët

Klasës politike kosovare i mungon dashuria ndaj atdheut dhe popullit të vet. Politikanët e katapultuar në majat e pushtetit, në vend që të punojnë ditë e natë për mirëqënien e popullit, kujdesën si të përvetësojnë e gjithë pasurinë shoqërore si dhe duke zhvatur buxhetin e shtetit.

Pjesa tjetër e politikës (opozita) për të ardhur deri të gjahu (pushteti) janë të gatshëm të shkatërrojnë çdo gjë që u del përpara!

Të gjithë së bashku, pushtetarë dhe opozitarë me veprimet e tyre destruktive janë duke e dërguar shtetin e ri të Kosovës drejt shkatërrimit dhe falimentimit total.

Politikanëve të uritur, sundimtarëve vendor, “Sheikëve” që u shndërruan në multimilionerë karrshi një popullate të varfër, më së miri u shkojnë për shtati këta rreshta të këngës “Amaneti i Clownit”, të Rock grupit TROJA, po citoj; “Kush janë këta njerëz që s’janë shkollue, nuk kan mësue që njeriu nuk ban shpinë e vet me vjedhë,…janë këta njerëz që diellin ma kan nal,…janë këto vjet që kurr nuk muj me i fal”, e deri të vargu “Janë këta njerëz që vet nuk muj me i nal”, që thërrasin si kushtrim për nevojën e unifikimit e të gjitha forcave progresive për largimin përfundimtar nga pushteti dhe skena politike e vendit, të kësaj klase të shëmtuar kusarësh politikë.

Etiketa:ferr Florim Zeqa Kosova kryesore parajsë pushtetarëve qytetarëve
Previous post
Next post
Lajmet e fundit
Nacionale

Rezultatet e Provimit të Maturës – kalueshmëria 78.4

29 Qershor, 2022
Policia

U lëshuan apo jo parashutistë nga Serbia në zonën kufitare të Kosovës?!

29 Qershor, 2022
2LTV

VIDEO: Përkushtimi i përbashkët me Ministrin e Bujqësisë po i sjell Gjilanit

29 Qershor, 2022
Policia

Arrestohen njëmbëdhjetë të dyshuar për përfshirje në veprimtari penale

29 Qershor, 2022
Lajme të ngjashme

Në Treviso të Italisë u mbajt turniri tradicional “Muaji i Lirisë” 2022

29 Qershor, 2022

Dorëzimi i Albin Kurtit!

25 Qershor, 2022

Presidentja Osmani në Bruksel: Kosova është gati, ka ardhur koha për vendime të guximshme nga BE

23 Qershor, 2022

Kosova përmirëson pozitën e saj në renditjen e FIFA-s 

23 Qershor, 2022

OAK kërkon përkrahje nga Komisionin për Ekonomi, Industri, Ndërmarrësi dhe Tregti

22 Qershor, 2022

Pa nivelizim të pagave nuk ka paqe sociale!

21 Qershor, 2022

Rr. Ahmet Gashi p.n. Gjilan, 60000, Kosovë

+383 44 177 281

[email protected]
[email protected]

Kontakti
Raporto
Media Sociale
Numra me rëndësi
Harta e faqes
Shkruaj për 2LONLINE
Fillimi
Info+
Politikë
Nacionale
Policia
Op/Ed
Sport
Art/Kult
Shneta
Lugina
Gjykatë/Prokurori
N'rrjet
Rrotull
2LTV
Njoftime/Shpallje
Magazina
Promo

Ky portal mirëmbahet nga N.SH. 2lonline.com. Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin paraprak nga 2lonline.com. Për shfrytëzimin e materialit të këtij portali, obligoheni t’i pranoni Kushtet e përdorimit.

Kushtet e përdorimit
Politikat e privatësisë
Impresum
Marketingu
2010 - 2022. Të gjitha të drejtat e rezervuara | 2lonline.com