Kosova nuk ka më kohë për hezitime kur bëhet fjalë për themelet e saj shtetërore

Shkruan: Ardian Azemi

Kosova nuk ka më kohë për hezitime kur bëhet fjalë për themelet e saj shtetërore.

Mbrojtja e Vlerave të Luftës dhe Ligji i Lustracionit nuk duhet më të trajtohen si tema dytësore, por prova e parë e seriozitetit të një shteti. Pa një vijë të qartë ndarëse mes sakrificës dhe keqpërdorimit, historia relativizohet dhe vlerat humbin peshën e tyre reale.

Po ashtu, pa një proces të drejtë dhe të verifikuar të lustracionit, institucionet mbeten me një hije mosbesimi që e dëmton çdo reformë tjetër dhe paraqet pengesa të mëdha në seriozitetin tonë si shtet e si politikë.

Nuk mund të kërkohet e ardhme e pastër me të kaluar të paqartë në poste publike.

Këto nuk janë mjete politike, por standard minimal shtetëror, pra respekt për të kaluarën dhe përgjegjësi për të tashmen e siguri për të ardhmen. /2LONLINE/