• INFO+
  • POLITIKË
  • NACIONALE
  • POLICIA
  • OP/ED
  • SPORT
  • ART/KULT
  • SHNETA
  • TJERA+
    • LUGINA
    • GJYKATË/PROKURORI
    • N'RRJET
    • RROTULL
    • MAGAZINA
    • PROMO
    • 2LTV
    • NJOFTIME/SHPALLJE
Sport

Kosova mëson rivalët në kualifikimet për Euro U17 dhe Euro U19 (femrat)

Redaksia 2LONLINE 11 Mars, 2021 5 min
 Kosova mëson rivalët në kualifikimet për Euro U17 dhe Euro U19 (femrat)

Sot në selinë e UEFA-së është hedhur shorti për kualifikimet e Kampionatit Evropian për femra, në grupmoshat U17 dhe U19.

Në kualifikimet e grupmoshës U17 do të marrin pjesë 49 ekipe, që është shifër rekorde për UEFA-n për këtë grupmoshë dhe cikli kualifikues organizohet në format të ri, me dy liga (A dhe B) të ndara në grupe, që do të garojnë në dy raunde kualifikuese për një vend në turneun final që do të mbahet në Bosnjë e Hercegovinë. Kosova bën pjesë në Grupin 1 të Ligës B, së bashku me Bjellorusinë, Gjeorgjinë dhe Luksemburgun.

Raundi i parë do të vendosë se cilat skuadra promovohen dhe zbresin në ligat A dhe B përpara raundit të dytë që do të zhvillohet në pranverën e vitit 2022. Ndeshjet e raundit të parë në grupe do të zhvillohen ndërmjet 1 gushtit dhe 14 nëntorit.

Nga Liga B në Ligën A promovohen pas raundit të parë kualifikues gjashtë fituesit e grupeve si dhe skuadra e dytë më e mirë, derisa nga Liga A në B bien shtatë ekipet e fundit në grupe. Shorti i raundit të dytë do të tërhiqet në fund të vitit 2021, e ku më pas shtatë fituesit e grupeve të Ligës A në kualifikimet që zhvillohen në pranverë do t’i bashkohen Bosnjë e Hercegovinës në finalet e Evropianit U17 në verën e vitit 2022.

Ndërkohë, në kualifikimet e Evropianit për grupmoshën U19, Kosova bën pjesë në Grupin 5 të Ligës B, së bashku me Kroacinë, Letoninë dhe Lihtenshtajnin. Ndeshjet e këtij grupi do të zhvillohen në Kroaci në muajin tetor.

Edhe këto kualifikime zhvillohen në format të ri. Raundi i parë do të vendosë se cilat skuadra promovohen dhe zbresin në ligat A dhe B përpara raundit të dytë që do të zhvillohet në pranverën e vitit 2022.

Nga Liga B në Ligën A promovohen pas raundit të parë kualifikues gjashtë fituesit e grupeve si dhe skuadra e dytë më e mirë, derisa nga Liga A në B bien shtatë ekipet e fundit në grupe. Shorti i raundit të dytë do të tërhiqet në fund të vitit 2021, e ku më pas shtatë fituesit e grupeve të Ligës A në kualifikimet që zhvillohen në pranverë do t’i bashkohen Çekisë në finalet e Evropianit U19 nga 27 qershori deri më 9 korrik të vitit 2022.

Kualifikimet U19
Liga A
Grupi A1: Holanda, Skocia, Austria, Ukraina
Grupi A2: Franca, Suedia, Islanda, Serbia
Grupi A3: Gjermania, Belgjika, Rusia, Sllovenia
Grupi A4: Danimarka, Finlanda, Hungaria, Turqia
Grupi A5: Zvicra, Anglia, Republika e Irlandës, Irlanda e Veriut
Grupi A6: Spanja, Republika Çeke, Portugalia, Sllovakia
Grupi A7: Norvegjia, Italia, Polonia, Azerbajxhani

Liga B
Grupi B1: Bjellorusia, Ishujt Faroe, Maqedonia e Veriut, Qipro
Grupi B2: Greqia, Bullgaria, Lituania, Kazakistani
Grupi B3: Uells, Shqipëri, Moldavi, Andorra
Grupi B4: Izraeli, Rumania, Gjeorgjia, Malta
Grupi B5: Kroacia, Kosova, Letonia, Lihtenshtajni
Grupi B6: Bosnja dhe Hercegovina, Mali i Zi, Estonia, Armenia

Kualifikimet U17
Liga A
Grupi A1: Norvegjia, Republika e Irlandës, Hungaria, Bullgaria
Grupi A2: Holandë, Republikë Çeke, Slloveni, Skoci
Grupi A3: Italia, Franca, Suedia, Uellsi
Grupi A4: Gjermania, Finlanda, Portugalia, Bosnjë dhe Hercegovina
Grupi A5: Anglia, Polonia, Belgjika, Rusia
Grupi A6: Danimarka, Austria, Zvicra, Greqia
Grupi A7: Spanja, Serbia, Islanda, Irlanda e Veriut

Liga B
Grupi B1: Bjellorusia, Gjeorgjia, Kosova, Luksemburgu
Grupi B2: Lituania, Kroacia, Armenia, Kazakistani
Grupi B3: Ukraina, Estonia, Moldavia, Maqedonia e Veriut
Grupi B4: Sllovakia, Izraeli, Ishujt Faroe
Grupi B5: Turqia, Rumania, Letonia
Grupi B6: Azerbajxhani, Mali i Zi, Shqipëria

Etiketa:aktuale femrat futboll Kosova sport UEFA
Previous post
Next post
Lajmet e fundit
Nacionale

Parashikimi i motit për pesë ditë

30 Janar, 2023
Policia

Policia e Kosovës arreston një person dhe sekuestron 107 kilogramë substancë narkotike

30 Janar, 2023
Art/Kult

U mbajt Festivali i Këngës për Fëmijë “Xixat e Flakës”

29 Janar, 2023
Gjilan

Gagica: Qytetarët qiraxhinj në pronat e tyre!

29 Janar, 2023
Lajme të ngjashme

Parashikimi i motit për pesë ditë

30 Janar, 2023

Policia e Kosovës arreston një person dhe sekuestron 107 kilogramë substancë narkotike

30 Janar, 2023

U mbajt Festivali i Këngës për Fëmijë “Xixat e Flakës”

29 Janar, 2023

Bie perdja! – Gjashtë shfaqje në festivalin “Talia e Flakës 2023”, pretendojnë pesë çmime prestigjioze

29 Janar, 2023

Hidromorava me njoftim rreth cilësisë së ujit

28 Janar, 2023

Tryezë ku u promovua libri i ri “Rrokjesorë magjikë 4X4” i Zijadin Hasanit dhe u fol për rëndësinë e enigmatikës

28 Janar, 2023

Rr. Ahmet Gashi p.n. Gjilan, 60000, Kosovë

+383 44 177 281

[email protected]
[email protected]

Kontakti
Raporto
Media Sociale
Numra me rëndësi
Harta e faqes
Shkruaj për 2LONLINE
Fillimi
Info+
Politikë
Nacionale
Policia
Op/Ed
Sport
Art/Kult
Shneta
Lugina
Gjykatë/Prokurori
N'rrjet
Rrotull
2LTV
Njoftime/Shpallje
Magazina
Promo

Ky portal mirëmbahet nga N.SH. 2lonline.com. Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin paraprak nga 2lonline.com. Për shfrytëzimin e materialit të këtij portali, obligoheni t’i pranoni Kushtet e përdorimit.

Kushtet e përdorimit
Politikat e privatësisë
Impresum
Marketingu
2010 - 2023. Të gjitha të drejtat e rezervuara | 2lonline.com