Kosova me kodet e pavarura ndërkombëtare ‘SWIFT’ dhe ‘IBAN’

Kryeministri në detyrë, Hashim Thaçi, ka njoftuar se ka marr një lajm të mirë nga Banka Qendrore e Republikës së Kosovës me pranimin ndërkombëtar të kodit të pavarur IBAN të Kosovës.

Ai tha se tani Kosova ka kodet e pavarura ndërkombëtare SWIFT edhe IBAN që do të mundëson transfere më të lehte dhe të sakta të parave, transparencë më të plotë dhe mundësi të luftimit të shpëlarjeve të parave.

“Ky është rezultat i përbashkët e Bankës Qendrore, bankave komerciale kosovare por edhe miqve nga shtetet partnere që kanë lobuar tash e një kohë që Kosova të rrumbullakson pavarësimin e sistemit të vet bankar”, ka shkruar ai në Facebook.