Kosova faktor i paqes dhe stabilitetit në rajon e më gjerë
Presidenti i Kosovës, Hashim Thaçi, ka shkruar në profilin e tij se sapo ka pasur një bisedë tepër miqësore, por edhe përmbajtësore, me zëvendëspresidentin Michael Pence të Shteteve të Bashkuara të Amerikës.
Thaçi ka shkruar se Kosova tani, është faktor i paqes dhe stabilitetit në rajon e më gjerë.
Sapo pata një bisedë tepër miqësore, por edhe përmbajtësore, me zëvendëspresidentin Pence të Shteteve të Bashkuara të Amerikës.
Kosova tani, është faktor i paqes dhe stabilitetit në rajon e më gjerë.
Prandaj, po punojmë bashkërisht për themelimin e Forcave të Armatosura të Kosovës, si forcë mbrojtëse profesionale e multi-etnike në shërbim të të gjithë qytetarëve.
Prandaj jemi të pakompromis në luftimin e çdo ekstremizmi, radikalizmi dhe terrorizmi; prandaj jemi të përcaktuar për dialog e marrëdhënie të mira fqinjësore.
Kjo është mënyra më e mirë për të shprehur mirënjohjen tonë për partneritetin dhe miqësinë e përhershme me Shtetet e Bashkuara të Amerikës.
SHBA-ja ka qenë me ne në të kaluarën dhe do të jemi bashkë edhe në të ardhmen. Lidershipi amerikan është i pazëvendësueshëm për aspiratën tonë euro – atlantike. HTH