“Kosova e Serbia me “alo” sikur Kina e Hong Kongu”

Drejtori i të ashtuquajturës Zyrë për Kosovën Marko Gjuriq ka thënë se derisa Prishtina nuk e respekton marrëveshjen për telekomunikacion, nuk duhet të presë që Beogradi t’ia japë atë ajo që do.

“Prishtina s’e ka bërë këtë dhe përderisa nuk e bën këtë, ajo nuk do të mundet dhe mos prisni që ne atyre t’ua japim atë që ata duan, e ne s’e kemi marrë atë që kemi dashur”, ka thënë Gjuriq për RTS duke u përgjigjur në pyetjen për numrin e kodit telefonik për Kosovën.

Gjuriq ka thënë se marrëveshja për telekomunikacionin e 25 gushtit e vitit të shkuar i mundëson “Telekom -it Srbija” të punojë në gjithë territorin e Kosovës, transmeton Koha.net. Me këtë marrëveshje parashihet që sërish të nisë punën rrjeti mobil, por me licenca, sipas nuk ka kurrfarë numri thirrës ndërmjet Serbisë e Kosovës dhe tarifa të ngritura ndërkombëtare dhe Serbia, nga ana tjetër, kërkon edhe një kod telefonik shtesë për vete.

“Serbia për vete po kërkon edhe një kod telefonik i cili nuk do të formohet kur të thirret nga Beogradi e Prishtina, por, nëse Prishtina e respekton marrëveshjen tek Unioni Ndërkombëtar i Telekomunikacionit (ITU), do të jetë pronare edhe e një kodi telefonik, ashtu siç është Kina pronare e kodeve telefonike për Hong Kongun”, ka thënë Gjuriq. /Titulli.com/