Korrje – Shirjet në Komunën e Kamenicës zyrtarisht fillojnë me 11 korrik

/2L ONLINE/ – Drejtoria e Bujqësisë, Pylltarisë dhe Zhvillimit Rural e Komunës së Kamenicës, ka organizuar një takim me auto kombajnerët lidhur me fillimin e fushatës së korrje –shirjeve . Takimin e udhëhoqi drejtori i D. B.P.ZH.R. Islam Isufi. Pos kombajnerëve ishin të pranishëm edhe komisioni komunal për korrje-shirje, si edhe përfaqësuesit e policisë ,të cilët ofruan mbështetjen e tyre që procesi i korrje- shirjeve të zhvillohet në përputhjeje me rregulloren komunale dhe procesi të zhvillohet normalisht .

Në fushatën e korrje-shirjeve, pas kontrollimit të autokombajnave nga komisioni komunal që ju është bërë në terren , për vitin 2016 pritet të marrin pjesë rreth 34 autokombajna .

Zyrtarisht fushata do të filloj më datë 11.07 .2016, andaj në hapje të sajë të pranishëm do të jenë : Kryetari i komunës Begzad Sinani, DBPZHR, komisioni komunal i korrje –shirjeve.

Duke u bazuar nga Vendimi me nr.2476 të datës 28.06.2016. dhe Rekomandimit nga MBPZHR. çmimin për korrje-shirje është caktuar 100 €. / ha. ( kuptohet se çmimi i korrje-shirjeve caktohet në marrëveshje në mes të fermerëve dhe auto kombajnereve ). /2L ONLINE/