Koordinatorja e ZPBM-së vizitoi Departamentin për Shtetësi, Azil dhe Migracion
/2L ONLINE/ – Në ditën e katërt të punës Gentiana Shabani koordinatorja e Zyrës për Preshevë, Bujanoc me Medvegjë, vizitoi Departamentin për Shtetësi, Azil dhe Migracion në Prishtinë në kuadër të Ministrisë së Punëve të Brendshme.
Ajo u prit nga drejtori i këtij departamentit z. Valon Krasniqi, nga përgjegjësi për shtetësi si dhe nga përgjegjësi për leje qëndrim të përkohshëm në Republikën e Kosovës.
Gjatë takimit vazhdimisht koordinatorja Shabani i informoi në detaje zyrtarët për problemet e qytetarëve të dëbuar nga Kosova Lindore, që po përballen me problemet e dokomentacionit në Republikën e Kosovës me të cilat probleme qytetarët për çdo ditë po vijnë në drejtim të Zyrës për Preshevë, Bujanoc dhe Medvegjë, poashtu koordinatorja u kërkoj atyre që të trajtohemi si vëllezër kuptohet duke respektuar dispozitat ligjore.
Ndërsa drejtori i Departamentit Valon Krasniqi dhe vartësit e tij shprehën kënaqësinë për takimin e sotëm të shumëpritur nga ana e tyre, njëkohësisht vendosën bashkëpunimin e frytshëm dhe u dakurduan që sipas nevojave të vazhdojnë takimet e ndërsjella. /2L ONLINE/
