Konstituohet Komiteti Konsultativ i Ekspertëve të Planifikimit Hapësinor

/2L ONLINE/ – Të mërkurën në Gjilan është bërë konstituimi i Komitetit Konsultativ të Ekspertëve të Planifikimit Hapësinor, i themeluar sipas konkursit publik dhe përbërjes që ka miratuar Kuvendi Komunal i Gjilanit, në bazë të rekomandimit të panelit përzgjedhës.

Takimin e parë, konstituiv, e ka udhëhequr shefi i Njësisë së Kuvendit, Sadri Arifi, i cili tha se themelimi i Komiteteve konsultative, si trupa ndihmës të Kuvendit, në fusha të ndryshme, sipas Udhëzimit Administrativ nr.2008/10, për organizimin dhe funksionimin e komiteteve konsultative, është obligim ligjor i Komunave.

Komiteti, në takimin e sotëm, zgjodhi Avni Aliun (arkitekt) për kryesues, kurse Nexhmedin Bllacën për zëvendëskryesues.

Kuvendi Komunal i Gjilanit ka gjithsej 12 Komitete, duke përfshirë edhe ato obligative. /2L ONLINE/