Konstituohet këshilli i fshatit në Verbicë të Zhegocit dhe Verbicë të Kmetocit

/2L ONLINE/ – Komuna e Gjilanit ka vazhduar procesin e themelimit të Këshillave të Fshatrave, projekt ky që implementohet në bashkëpunim me organizatën “Agro-Eko”.Në një proces transparent dhe të rregullt, Komisioni Komunal për Themelimin e Këshillave të Fshatrave ka themeluar këshillat 7-anëtarësh në Verbicë të Zhegocit dhe Verbicë të Kmetocit.
Kryetar i Këshillit të Fshatit në Verbicë të Zhegocit u zdhodh me anë të votimit të fshehtë, Bejtush Isufi, ndërkaq kryetar i Verbicës së Kmetocit Islam Rashiti. Me themelimin e këtyre dy këshillave, Gjilani arrin numrin e 21 këshillave të fshatrave të konsituuara. Procesi vazhdon. /2L ONLINE/