Konfiskohen mbi 180 copë veshmbathje të dyshuara për shkelje të pronësisë intelektuale

Oficerët e Doganës së Kosovës gjatë kontrolleve rutinore kanë ndaluar nje automjet ku pas kontrollit janë gjetur mbi 180 copë veshmbathje, të dyshuara si produkte të kontrabanduara dhe imitim i markave të njohura ndërkombëtare, njofton Dogana e Kosovës.

Ato ishin pa asnjë dokumentacion derisa të njëjta dyshohen se shkelin të drejtat e pronësisë intelektuale (DPI).

“Luftimi i tregtisë së paligjshme dhe mbrojtja e të drejtave të pronësisë intelektuale janë pjesë e përpjekjeve tona të përditshme për një ekonomi të ligjshme dhe konkurrencë të drejtë”, thuhet në njoftimin e Doganës.  /2LONLINE/