Komuniteti Egjiptian i Kosovës kërkon nga Egjipti votën Pro UNESCO

Veton Berisha, Kryetar i Partisë Liberale Egjiptian-PLE, njëherësh Deputet i Kuvendit të Kosovës ka thënë se në kuadër të lobimit për pranimin e Kosovës në UNESCO, votimi i së cilës pritet të ndodh me datën 09.11.2015 në Asamblenë e Përgjithshme , si kryetar PLE-së , dhe si deputet dhe përfaqësues i komunitetit egjiptian në Parlamentin e Kosovës duke e mbështetur fuqishëm anëtarësimin e Kosovës në UNESCO ka kërkuar votën Pro nga shteti i Egjiptit ku me këtë rast i është drejtuar me një letër z. Mohamed Sameh Amr, ambasador dhe i deleguari permanent i shtetit të Egjiptit në UNESCO.

“Me anë të kësaj shkrese z.Sameh e kam njoftuar se vota Pro ndaj pranimit të Kosovës në UNESCO është votë të cilën edhe komuniteti Egjiptian i Kosovës e mirëpret dhe kjo votë garanton se futja e Kosovës në UNESCO është e drejtë legjitime dhe e pakontestueshme . Nëpërmjet kësaj letre e njoftuam z.ambasador se edhe ne si komunitet jo – shumicë në Kosovë dhe si shoqëri në tërësi kemi nevojë për mundësi në edukim , shkencë, kulturë, liri të shprehjes dhe e gjitha kjo nuk mund të arrihet nga izolimi por nga gjithëpërfshirja”, ka thënë deputeti Berisha.