• INFO+
  • POLITIKË
  • NACIONALE
  • POLICIA
  • OP/ED
  • SPORT
  • ART/KULT
  • SHNETA
  • TJERA+
    • LUGINA
    • GJYKATË/PROKURORI
    • N'RRJET
    • RROTULL
    • MAGAZINA
    • PROMO
    • 2LTV
    • NJOFTIME/SHPALLJE
Policia

Komunitetet shprehen të kënaqura me punën e policisë së Kosovës

Redaksia 2LONLINE 28 Shtator, 2013 3 min
 Komunitetet shprehen të kënaqura me punën e policisë së Kosovës

Gjilan – (2LONLINE) – Komiteti për Komunitete ka vizituar të mërkurën Komandën e Policisë së Kosovës në Gjilan, për t`i shprehur falënderime për bashkëpunimin e deritashëm në çështjet e sigurisë dhe projektet e përbashkëta, që kanë rezultuar me krijimin e një ambienti të qetë për të gjithë qytetarët e kësaj komune, pavarësisht përkatësisë së tyre etnike.
Kemal Shahin, kryesues i Komitetit për Komunitete, sikurse edhe anëtarët e kësaj trupe komunale të vendimmarrjes, Fadil Gashi, Enver Hajrullahu, Bardhyl Kadriu, Tomisllav Naskoviq, Galip Hiseni e Zvonko Tasiq u shprehën të kënaqur me punën e policisë së Kosovës.

Falë punës së përbashkët, Gjilani është sot shembulli më i mirë i tolerancës ndëretnike në Kosovë, ka thënë Shahin, duke nënvizuar se në Komitetin për Komunitete, të gjitha komunitetet punojnë dhe vendosin bashkërisht.

Edhe Zvonko Tasiq dhe Tomisllav Naskoviq thanë se policia e Kosovës u përgjigjet të gjitha thirrjeve të bashkësisë serbe në komunën e Gjilanit. “Komuniteti serb në Gjilan nuk ka asnjë problem sa i përket sigurisë dhe lëvizjes së lirë”, ka thënë Naskoviq.

Edhe komuniteti rom është i kënaqur me policinë e Kosovës, ka thënë Galip Hiseni, duke mos e fshehur dëshirën që në radhët e PK-së të ketë edhe ndonjë pjesëtar nga ky komunitet, gjë që hasi në mirëkuptim te eprorët e policisë, të cilët thanë se do ta kenë parasysh këtë kërkesë në të ardhmen, duke rikujtuar se pranimi në polici bëhet në bazë të disa kritereve profesionale, të cilët duhet t`i plotësojë patjetër secili aplikant.

Togeri Nijazi Kolgeci, shef i Sektorit të Operativës dhe kapiteni Remzi Azemi, komandant i Stacionit Policor në Gjilan, premtuan se bashkëpunimi me Komitetin, sikurse edhe qytetarët dhe në veçanti me komunitetet, do të jetë i përhershëm.

“Ne do të jemi pranë jush për t`i identifikuar dhe zgjidhur të gjitha problemet, të cilat janë në përgjegjësi të policisë”, ka thënë Kolgeci, duke nënvizuar se policia është trupë profesionale që trajton në mënyrë të barabartë të gjithë qytetarët, pavarësisht përkatësisë së tyre etnike.

Të njëjtën gjë e ka premtuar edhe komandanti i ri i Stacionit Policor, Remzi Azemi. “Policia do të jetë në shërbim të të gjitha komuniteteve që jetojnë në komunën e Gjilanit gjatë 24 orëve”, ka thënë Azemi.

Komiteti për Komunitete ka ndarë edhe disa mirënjohje për policinë e Kosovës, në shenjë falënderimi për bashkëpunimin e deritashëm. /2lonline/

Previous post
Next post
Lajmet e fundit
Opinion

Shovenistët serbë po i tmerrojnë shikuesit në  stadiumet evropiane

20 Shtator, 2023
Info+

U bisedua rreth mundësive të bashkëpunimit dhe investimeve në Viti

20 Shtator, 2023
Info+

KKSB e vlerëson si të qetë dhe stabile gjendjen e sigurisë në

20 Shtator, 2023
Shneta

Në QKMF-në e Gjilanit organizohen ligjërata për rëndësinë e zbulimit të hershëm

20 Shtator, 2023
Lajme të ngjashme

Shovenistët serbë po i tmerrojnë shikuesit në  stadiumet evropiane

20 Shtator, 2023

U bisedua rreth mundësive të bashkëpunimit dhe investimeve në Viti

20 Shtator, 2023

KKSB e vlerëson si të qetë dhe stabile gjendjen e sigurisë në komunën e Vitisë

20 Shtator, 2023

Në QKMF-në e Gjilanit organizohen ligjërata për rëndësinë e zbulimit të hershëm të kancerit të gjirit

20 Shtator, 2023

Shkatërrohen armë të ndryshme ilegale

20 Shtator, 2023

Kërkohet paraburgim ndaj tre personave për keqpërdorim të pozitës dhe vjedhje pylli

20 Shtator, 2023

Rr. Ahmet Gashi p.n. Gjilan, 60000, Kosovë

+383 44 177 281

[email protected]
[email protected]

Kontakti
Raporto
Media Sociale
Numra me rëndësi
Harta e faqes
Shkruaj për 2LONLINE
Fillimi
Info+
Politikë
Nacionale
Policia
Op/Ed
Sport
Art/Kult
Shneta
Lugina
Gjykatë/Prokurori
N'rrjet
Rrotull
2LTV
Njoftime/Shpallje
Magazina
Promo

Ky portal mirëmbahet nga N.SH. 2lonline.com. Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin paraprak nga 2lonline.com. Për shfrytëzimin e materialit të këtij portali, obligoheni t’i pranoni Kushtet e përdorimit.

Kushtet e përdorimit
Politikat e privatësisë
Impresum
Marketingu
2010 - 2023. Të gjitha të drejtat e rezervuara | 2lonline.com