Komuna pa njoftim të ri për vazhdimin e bllokimit të rrugës në Malishevë, banorët detyrohen të ndjekin rrugë alternative

Shkruan: Bashkim Isufi

Edhe pse për bllokimin e rrugës në fshatin Malishevë ishte lëshuar një njoftim për periudhën 10–13 korrik 2026, deri më 15 korrik 2026 nuk është publikuar asnjë njoftim i ri për vazhdimin e bllokimit të rrugës. 

Si pasojë, qytetarët janë detyruar të përdorin rrugë alternative për t’u qasur në rrugën kryesore, duke kaluar edhe nëpër ara për të vazhduar lëvizjen.

Mungesa e një njoftimi të përditësuar ka lënë qytetarët pa informim të qartë për gjendjen në terren dhe ka vështirësuar qarkullimin e banorëve të fshatrave Uglarë, Pogragjë dhe zonave të tjera, edhe pse ekziston mundësia e orientimit të tyre drejt rrugës që lidh fshatin Uglar me lagjen e Zabelit.

Një situatë e tillë dëshmon për mungesë të koordinimit dhe komunikimit me qytetarët, duke vështirësuar lëvizjen e tyre të përditshme.

Njoftimi me kohë i qytetarëve, përditësimi i informatave për gjendjen në terren, si dhe orientimi i qartë drejt rrugëve alternative janë pjesë e përgjegjësisë së institucioneve sa herë që bllokohet një rrugë publike. /2LONLINE/