Komuna në krizë, shpenzime marramendëse

Opozita ka kritikuar pushtetin për sic ka thënë shpenzime enorme dhe marramendëse të krijuara për periudhën Janar-Shtator 2015. Këshilltari i vetëvendosjes, Arsim Thaci, tha se janë bërë 100 mijë euro më shumë shpenzime në 2015, sesa në periudhën e njëjtë të vitit të kaluar.

“Këto shpenzime janë të papranueshme në një kohë kur Komuna dhe njerëzit kanë shumë halle. Ju nuk po silleni si shërbëtorë, pos si sundues të kësaj komune. I ki partnerët e koalicionit që po ta shkatërrojnë buxhetin”, i ka thënë Thaçi kryetarit Sinani, shkruan Kamenicapress(Fb).

Vërejtje për shpenzimet kanë bërë edhe Jeton Biqkaj dhe Besnik Rrudhani nga LDK-ja.
Ndërsa, kryetari Begzad Sinani mohoi ngritjen e shpenzimeve, duke thënë se çdo vit ka rënie. “Kjo është një e vërtetë. Trend i pandalshëm i uljes së shpenzimeve. Një menaxhim korrekt dhe disiplinor i buxhetit”, tha Sinani në mbledhjen e sotme të Kuvendit.