Komuna krijon kushte optimale për hajnat!

/2L ONLINE/ – “Pamjet qe po i shihni në fotot e mëposhtme, janë nga lagja Dardania dhe në këtë gjendje janë për më tepër se një muaj! Kështu thotë Arben Dubova, sipas të cilit , janë kontaktuar nga ana e tij, përgjegjësit në Drejtorinë e Shërbimeve Publike para një muaji, dhe i kanë thënë se nuk kanë operator për kryerjen e shërbimeve, por së shpejti pritet të rregullohet kjo çështje.

“Para dy netësh, shtëpia ime ishte cak i hajnave të cilët më dëmtuan materialisht me vjedhjen që e bënë (vjedhja është denoncuar në polici). Ne banorët e lagjes Dardania (nga rruga e 8 e sipër) akoma jetojmë në terr absolut të ekspozuar gjithnjë para hajnave. Drejtoria e Shërbimeve publike, me siguri nuk ka kohë me u marr me problemet e qytetarëve sepse kanë punë më të “mençura”, andaj neve nuk na mbetet gjë tjetër pos të kujdestarojmë duke i parandaluar vjedhjet dhe defilimin e hajnave, sepse ne nuk kemi kujdestar (shtet) që na mbron nga ta”, thotë Dubova.

Sipas tij, kjo ndoshta tingëllon paksa absurde, por thotë: “Duhet ta ndërtojmë një shtet i cili do të na ruan nga shteti (pushtetarët) aktual. Patjetër se do ta ndërtojmë. Populli nuk fal…!” /2L ONLINE/