Komuna i ndau Mirënjohje Faton Tahirit, shpëtoi jetën e një gruaje që kishte rënë me veturë në liqenin e Livoçit

“Sot prita në takim bashkëqytetarin tonë, Faton Tahirin, i cili me një akt heroik e të jashtëzakonshëm shpëtoi pak ditë më parë jetën e një gruaje që kishte rënë me veturë në liqenin e Livoçit”, ka thënë Alban hyseni, kryetar i Komunës së Gjilanit.

Ai tha se në shenjë falënderimi për reagimin e tij të shpejtë, duke vënë edhe jetën e tij në rrezik, në emër të Komunës së Gjilanit i ndau Mirënjohje për trimërinë e treguar.

“Fatoni është shembulli i qytetarit që na bën krenarë të gjithëve. Veprime të tilla humane janë dëshmia më e mirë e solidaritetit që na bashkon në momente të vështira. Mirënjohje dhe respekt i pafund”, ka thënë i pari i komunës së Gjilanit, Alban Hyseni.  /2LONLINE/