Komuna e Vitisë vazhdon me rivitalizimin e objekteve shkollore

“Komuna jonë është duke bërë të gjitha parapërgatitjet që në rast që hapën shkollat të kenë kushte sa më të mira”, ka thënë Basri Aliu, Drejtor i Arsimit në Viti.

Komuna e Vitisë po vazhdon me rivitalizimin e objekteve shkollore në disa lokalitete të kësaj komune. Me këtë rast Basri Aliu, Drejtor i Arsimit në Viti, ka vizituar nga afër punimet në rivitalizimin e shkollave në Pozheran, Goshicë, Sllatinë, Smirë, Kabash si dhe në fshatin Çifllakë ku janë duke vazhduar punimet në rregullimin e çerdhes publike.

“Në disa lokalitete të komunës sonë po vazhdojnë punimet në rivitalizimin e objekteve shkollore. Këtë po e bëjmë që nxënësit dhe personelit arsimor të kenë kushte sa më të mira për zhvillimin e procesit mësimorë. Komuna jonë është duke bërë të gjitha parapërgatitjet që në rast që hapën shkollat të kenë kushte sa më të mira. Urojë që gjendja e pandemisë të kalojë sa më parë dhe nxënësit tanë të ju kthehen bankave shkollore” u shpreh drejtori Aliu. /2LONLINE.com/